اضحك ياجزائري
السلام عليكم
كي العادة لازم نضحكوا شوية باسكوا راهو شهر ولا اكثر وحنا نحاربوا كونتر المصريين والحمد الله ربي فرجها علينا المهم نبدا بعنتر يحي
قالك عنتر يحي مطلوب في القاهرة باسكو ارتكب جريمة قتل الاحلام المصرية وعلابالكم بلي جريمة قتل الاحلام راهي كبيرة ...انا نقول حرام عليك ياعنتر عطيتهم بقدفة سرعتها 100كلم/ساعة وتقول بلي مكانش قصدك ماشي هكذا نو لازم تبدل العقلية هذي
شاوشي : والله ياشاوشي لوكان يحكموك المصاروة غير شوف يفوتوك ديراكت للمقصلة باسكو نت لكنت سبابهم وما خليتهومش لشتى يتنفسوا أواه راك واعر شاوشي ماشي هكذا ....
زياني : سموه الساحر...عندهم الحق ونت لاه تلعب بليجوار تاعهم واحد تشطح فيه شطحة تاع ليلى علوي لخر تلعب بيه وتخليه يشطح شطحة تاع غير هنا لتشبه لتاع مصطفى غير هنا...المهم راك مطلوب عندهم واتونسيون احذر روحك
حليش : نت جوار واعر بزاف ليقرب ليك تقولو يلاه لداركم روح ألعب في كارتيكم وفي حومتكم البالون لرجال ماشي للشطحات كما نتوما...انا محطيتكش هكذا على الأقل ياحليش خليهم لشتى يشوفيوا برك
بوقــــــــرة : المصاروة راهم يتحلفوا فيك قالك تزوجت بعمرو زاكي ومادرتش العقد نو لازم تعقد عليه بركاك من زواج تاع 90 دقيقة ومن بعد تطلقوا...المهم راك مجرم عندهم ولازم تخلص لافونس وروتور في زوج
غزال : انت معلباليش كيفاه رايحين يعاقبوك مشكل كبير نت عندهم لازم يديرولك الحل وحسب موقع التبلعيط راهم يحلفوا ليل ونهار بلي غير نت سباب المشاكل والقلقة عندهم ونت لدخلتهم عند طبيب الامراض العقلية ...اواه ياغزال ماشي هكذا نتى تحوس تهبل الصغير والكبير نو أبدا بالكبار ومن بعد الصغار
مغني : والله يا نت يامغني قالولك المصاروة من نهار شوفناك وواش درت فينا قررنا باش نشكيو بيك للأم المتحدة لأرسال قوات عاجلة باش يخطفوك باسكو الجرم تاعك انك كل مرة ترقصهم ومن بعد الطيح ومن بعد جيب كرة ثابتة
المهم هاذو جماعة مطلوبة عاجلا عندهم لشافهم ولا لبلغهم يخبر السيد صون سمير ولا حصة كل شيء ممكن ...والتحقيق مازال مع الجنرال سعدان باسكو هو قائد المجموعة
ديرو الخير ياجماعة وخبرونا على هاذو..الله غالب الأمور راهي urgent
